|
Vaovaom-Piangonana Alahady 29 janoary 2012 |
|
1. Amin'ny alahady izao 5 febroary no hanaovana ny "Assemblée Générale" hankatoavana ny zavatra vita tamin'ny taona 2011 sy ny tetik'asa amin' ity taona 2012 ity. Manasa antsika mpandray fanasan'ny Tompo rehetra hanatrika izany. 2. Fanavaozana ny Diakona hiasa mandritra ny roa taona manaraka 2012 sy 2013 : alahady 12 febroary aorian'ny fanompoam-pivavahana. Misokatra ho an'ny Mpandray ny Fanasan'ny Tompo voasoratra anarana nandritra ny taona 2011 ny fifidianana. Iangaviana ny tsirairay hanamarina ny fisoratany anarana any amin'ny tompon'andraikitra. Daty fara-firotsahana ho fidiana : alahady 5 febroary. 3. Jobily faha-30 taonan'ny Tafo - Efa mijoro ankehitriny ny Komity misahana izany
- Teny Faneva : misaotra an'Andriamanitra isika fa voafidy ny Teny ho entintsika manamarika izany faha-30 taona izany, dia ny hoe :
"Aoka hazava eo imason'ny olona ny fahazavanareo" Matio 5.16a Fisaorana no atolotra ireo rehetra nandray anjara tamin'izany. - Logo sy hira faneva : misokatra ho an'ny rehetra ny fifaninana ho amin'izany izay miompana indrindra amin'ny Teny Faneva voafidy etsy ambony. Tapaka fa mandritra ny fivoriambe 5 febroary no hifidianantsika ny logo sy ny hira faneva koa ferana ny sabotsy 4 febroary ny fara-fandefasana ny logo sy hira faneva any amin'ny tompon'andraikitra.
4. Fivoriana : - Assemblé générale STK : sabotsy 4 febroary
- Fivorian'ny komitin'ny Tafo amin'ny sabotsy 4 febroary amin'ny 4 ora eto am-piangonana.
Ho an'Andriamanitra irery ny voninahitra. |
|
Dernière mise à jour : ( 29-01-2012 )
|
